I Өспөх нэһилиэгэр сэтинньи 25 күнүгэр Олоҥхо декадатын үөрүүлээх арыллыытын чэрчитинэн нэһилиэкпит түөлбэлэрин икки ардыгар “ОЛОҤХО САХА НОРУОТУН БАРҔА БААЙА” күрэх “Аргыс” сынньалаҥ киинигэр нэһилиэкпитигэр тэриллибит Олоҥхо ассоциациятын салайааччылара Лена Михайловна Жиркова, Сахаяна Ивановна Иванова “Аргыс” сынньалаҥ киин үлэһиттэрэ көҕүлээһиннэринэн олус тэрээһиннээхтик буолла.
Күрэх хаамыыта:
- Бэйэни билиһиннэрии;
- Боппуруостарга эппиэт;
- Олонхо дойдута интеллектуальнай оонньуу;
- Дьиэҕэ сорудах ( Олоҥхо дойдутун геройдара оҥоһук);
- Олонхоттон быһа тардыы ( Олоҥхо геройун туттан хаптан көрдөрүү);
Күрэххэ бары түөлбэлэр олус көхтөөхтүк хамаанда тэринэн кытыннылар. “ОЛОҤХО БИҺИГЭ УУС АЛДАН ” кинигэ быыстапката, оскуола уонна “Чуораанчык” оҕо уһуйаанын оҕолоро уруһуйдаабыт “ОЛОҤХО ГЕРОЙДАРА” уруһуйдар быыстапкаҕа турдулар.
Күрэх түмүгүнэн I миэстэ Төрүт түөлбэ, II миэстэ Илин, III миэстэҕэ Кытыл уонна Аартык түөлбэ бааллара тэҥнэһэн буоллулар. Быйылгы сылга хас биирдии түөлбэ бэйэлэрин сатабылларын, талааннарын арыйан көрөөччүлэри сөхтөрдүлэр.
