Саха Өрөспүүбүлүкэтин бастакы бэрэсидьиэнэ Михаил Ефимович Николаев «Бүттүүн уруһуйдуубут» бырайыагын эстафетатын кубогын Лөгөй нэһилиэгиттэн Владимир Петров I Өспөх нэһилиэгин баһылыгын солбуйааччытыгар  Дусиван Иванович Жирковка аҕалан туттарда.

     Бэлиэ түгэн үөрүүлээх чааһыгар Дусиван Иванович олохтоох дьаһалта аатыттан “Чуораанчык”оҕо уһуйааныгар уонна оскуола технология кылааһыгар уруһуйдуурга аналлаах тэрили ыларга 5000 сууммалаах сертификаттары туттарда. Бу күн оскуолабыт киэн спортивнай саалатын толору “Чуораанчык” оҕо уһуйааныттан саҕалаан уһуйаан, оскуола оҕолорун, талааннаах нэһилиэкпит олохтоохторун уруһуйдарын, оҥоһуктарын быыстапката кэлбит дьон көрүүтүгэр турда. Икки күн устата бырайыак чэрчитинэн араас тэрээһиннэр ыытылыннылар. Иккис күн технология уонна уруһуй учуутала Стрекаловская Наталия Михайловна бырайыагынан алын кылаастарга  «Краски радуги» улуустааҕы күрэс ыытылынна, “Аргыс” сынньалаҥ киинигэр араас маастар кылаастар, уһуйааҥҥа оскуолаҕа уонна дьиэ кэргэҥҥэ «Уруһуй алыба» диэн тиэмэҕэ аһаҕас дьарыктар уруоктар ыытылыннылар. Барыта улууспут 15 оскуолатыттан алын кылаас оҕолоро кэлэн кыттыыны ыллылар.